Gleðibankabókin – Íslensk Eurovision sönglög frá 1986-2011
Í bókinni eru ekki aðeins tónlist og textar þeirra 24 laga sem RÚV sendi í Eurovision-söngvakeppnina árin 1986-2011 heldur einnig fágætur fróðleikur og skjáskot úr sjónvarpsútsendingunum. Birtir eru textar hvers lags, íslenskir og enskir, hljómabókstafir, gítargrip og laglínunótur. Jónatan Garðarsson greinir frá forsögunni fram að þátttöku Íslands og ritar ágrip fyrir hvert þátttökuár í kaflanum „Saga laganna“. Við hvert lag er greint frá öllum þátttakendum á vegum RÚV, á sviði og utan sviðs. Gleðibankabókin er í raun eina aðgengilega heimildin um margt af því fólki sem tengdist sjónvarpsútsendingu hvers lags á þeim árum sem bókin tekur til (útsetning, förðun, sviðsetning, sviðsfatnaður, þulur o.s.frv.). Aftast í bókinni eru skrár yfir höfunda, flytjendur og gestgjafaríki. Síðast en ekki síst eru sýnd úrslitasæti og stigagjöf hvers lags.
Bókarhöfundur: Gylfi Garðarsson
Nótuútgáfan – 2011 – ISBN 9789979921455 – A4 – 112 bls. (nánar á Leitir.is)
All Out Of Luck – Angel – Congratulations – Eitt lag enn – Gleðibankinn – Heaven – Hægt og hljótt – If I Had Your Love – Is it True? – Je ne sais quoi – Minn hinsti dans – Nei eða já – Nína – Núna – Nætur – Open Your Heart – Sjúbídú – Sókrates – Tell Me! – This Is My Life – Valentine Lost – Það sem enginn sér – Þá veistu svarið
